Lustige Seiten (mit Java)Java

Lustige Seiten (javafrei)javafrei

Äppelsche-Logo Stichwortsuche

StartseiteGartentipsHaushaltstipsGesundheits-/SchlanktipsDas GartenjahrBauernregelnMondseiten
Rezepte
Lustige SeitenLinksKontakt zu unsGästebuch

Trennlinie

Gedichte uff Hessisch

 

Kinner Vers'cher

Guten Appetit
nix vertrebbelt un nix verschütt!

Die Linse, wo sin se ?
Im Dippe, se hippe!
Deck se zu,
dann hawwe se Ruh.

Wer trotzt an de Schissel,
der schad' sich am Rissel.
Wer trotzt mit de Gawwel,
der schad' sich am Schnawwel.

Mei Mutter backt Krebbel,
sie backt se so hart,
sie legt se ins Schränksche
un gibt mer nix ab.

Wenns Sauerkraut reeschent
un Rindswerschtscher schneit,
dann bitt ich de Herrgott,
daß es Wetter so bleibt.

 

Sprüsch aus de Küsch

En jeder Hesse der waaß:
Werd zu Kartoffel, Gans un Has
er emal freundlisch eingelade,
dann sieht er nie en Gänsebrade!
Es gibt e ganz gewehnlisch Speis
Quellkadoffel - ganz - un heiß.

Aach des is net ganz ernst zu nemme
krieht mer e Eiladung zum Schlemme:
Flaaschworscht, e Gans un noch zwaa Ente!
Des Menü, des opulente,
en Feinschmecker kanns iwwerhibbele
es is aa Flaaschworscht un zwaa Schnibbele!

Ach, was rieschts so gut nach Messer un Gawwel.

Mer is ja seim Maul kaan Stiefvatter.

Die Zeite wern schlimmer - awwer Dorscht hammer immer.

Erst emal gefrühstückt - geschafft hammer gleich.

 

Brautwerbung auf Hessisch

Auf diese Art und Weisse, lernten die hessische Bube,
ihre Frauen frieher kennen...

Un so'n Goggelores Rede meer aach heut noch.....


Die Mädcher aus dem Hesseland
sein fleißisch, lieb und schee!
Bei dene mach ich mich bekannt
wenn ich mol uff die Mussick geh.
--------------------------------
Ich frooch, wo se geberdisch sin,
kenn die Verwandschaft ball
bis zau de ältschde Dande hie
un ob aach noch habbe Vieh im Stall.
--------------------------------
Ich waas aach, wo die Äcker leih'n
wo Woi gekeldert werd,
wu' es Audo un de Drakdor sein
un was mer sunscht so heern:
--------------------------------
Ob es e guud Famillje iss
mit ebbes hinnedraa
ob's Mädche frieer hat's Geriss,
ob's Krämche net so klaa.
--------------------------------
Kann's koche, hälts die Sach beisamm',
isses dichdich aach im Haus?
Wie's mit de Leit rangscheere kann,
träscht's net so viel enaus?
--------------------------------
Hot's for de Arwet aach kaa Ängschd?
Issea e eh Frohnadur?
Uff so e Fraa steh ich schunlängschd.
jo.. do wär ich garnet stur.
---------------------------------
Un hätt die dann e Aach uff mich,
dann wär die Sach geritzt.
Ich mach die Kur ihr sicherlich
bis se uff meim Buggel sitzt.
---------------------------------
Horsch!! All des Wisse is was wert,
mer guckt sich schließlich um.
Mir hot mer's oft genuch erklärt,
die Alde war'n net dumm:
---------------------------------
E Friehstick langt fir'n ganze Daach
es "Schlachde" fir'e ganzes Johr.
Doch guut geherat, ohne Fraach,
Hält's ganze Leewe vor!

Un die Moral fun deer Geschicht:

Wer nix erheirat, nix ererbt
bleibt arm bis daß er sterbt!

Dieses Gedicht ist aus dem Original rheinhessisch
"Horch e mol" entnommen.
Übermittelt durch Gerd Schön, Bremthal - DANKE !

 

Hessisches Gartenerlebnis

hier klicken

 

 

wird noch fortgesetzt...

Bin dankbar für weitere Beiträge

Trennlinie

nach oben

zur Hauptseite

Trennlinie

© Silvia Jokel
emailemail
(Hinweis: Die eMail-Adresse ist aus Spam-Schutz-Gründen nicht mit einem Link unterlegt)


Stand: 25.10.2012

Countomat website statistics and webcounter (Statistik & Logfileanalyse, Statystyk, Statistici, Statistique)

zähler